Macedonia News

By A Web Design

Антимос знаел зошто Грците изгубија од Македонците

Понеделник, 12 Септември 2011 15:17

Македонија

Како што јавува Јавува Канал 5 ,Солунскиот митрополит ,откако досега ги прокоментира сите случувања меѓу Скопје и Атина, дојде ред да каже и за кошаркарскиот натпревар. Според Антимос, Грците изгубиле бидејќи биле психолошки потресени.

Зошто Грција изгуби од Македонија на Европското првенство во кошарка? Подобрата игра на нашите репрезентативци, неснаоѓањето или заморот на Грците? Одговорот го знае Антимос - виновни се македонските навивачи.

Солунскиот митрополит,откако досега ги прокоментира сите случувања меѓу Скопје и Атина, дојде ред да каже и за кошаркарскиот натпревар.

"Мене ми беше жал што изгуби нашата екипа во кошарка од Скопјаните. Премногу е. Секако во спортот нема место за политика. Но, знаете што се случи? Трибините што беа за Скопјаните, беа полни со Скопјани кои беа облечени во носии на античките Македонци. Јас, како поранешен педагог, верувам дека на нашите играчи, на непознато место , на кошаркарскиот терен оваа глетка им влијаеше психолошки", изјави Антимос.

Солунскиот митрополит објасни дека, во сала, на кошаркарски натпревар треба да се оди со блузи или костими, а не како нашите навивачи облечени за на карневал.

На вчерашната утринска литургија, Антимос повторно се појави подготвен со извадени прибелешки од настаните во текот на минатата недела, меѓу кои се најде и прославата на 20годишнината од независноста на Македонија.