Macedonia News

Николовски Од ВМРО-ДПМНЕ: Куманово живее во 19 век

Среда, 22 Февруари 2012 20:52

Македонија

Куманово живее како да е во 19 век, а за тоа е одговорен самиот градоначалник, обвинуваат од ВМРО-ДПМНЕ.Во продолжение следува интегрален текст од прес конференцијата на Бобан Николовски, координаторот на советничката група на ВМРО-ДПМНЕ од Куманово.

Куманово живее како да е во 19 ти век.
Најодговорен за тоа е Зоран Дамјановски кој што веќе е осма година градоначалник на општина Куманово. 8 години не успеа да го реши проблемот со вода за пиење.
Колку и да имаше проблеми општината, за 8 години можеше се да реши.

Зоран Дамјановски беше градоначалник кога беше на власт и СДСМ, и кога е ВМРО-ДПМНЕ. Не е проблемот во сегашната Влада, проблемот е во Зоран Дамјановски.
Во неговиот мандат Јавното Претпријатие Водовод се затрупа во милионски долгови.
Криминал и неодговорност единствено може да биде причината за тоа што претпријатието бележи милионски загуби, сигруно тоа не е резултат на домаќинско работење.
Зоран Дамјановски е најповикан да одговори зошто иако Кумановчани уредно си ги плаќаат сметките за вода, вода нема. Дополнително што Општината Куманово со парите на граѓаните даваше субвенции за санација на долговите.

Каде отидоа парите на кумановчани?
Зоран Дамјановски треба да престане да го штити својт кумашин кој е директор на јавното претпријатие за Водовод.
Морално и доблесно е Виктор Божиновски-кумашин на градоначалникот Дамјановски да си поднесе непоптовиклива оставка од местото директор.
Жално е без вода за пиење да седат 120 000 граѓани.
Жално е што општината Куманово остана глува на сите наши апели за суштинско решавање на проблемот.
Она што ние можеме како советничка група да го направиме е лично да се увериме во тоа кои делови на Куманово остануваат без вода за пиење и непосредно да се запознаеме со барањата на граѓаните. Затоа сите советници на ВМРО-ДПМНЕ во наредниот период ќе остварат посета на урбаните заедници во Куманово и ќе оставруваат интензивен контакт со граѓаните.
Срамно е што наместо сега да се бориме да се изгради некој парк за граѓаните, некоја катна гаража, булевар, ние во 21 век зборуваме за проблеми како да сме во 19 век.