Macedonia News

Бичиклиски.: Стевчо дели пари на блиски роднини

Среда, 22 Февруари 2012 21:02

Македонија

Презентирајќи документи како доказ, ВМРО-ДПМНЕ уште еднаш го обвинува градоначалникот на Карпош, Јакимовски, за недомаќинско трошење.Во продолжение следува интегрален текст од прес конференцијата на портпаролот на владеачката партија, Александар Бичиклиски.

Стевчо Јакимовски и Општината Карпош не само што ќе потрошат еден куп пари за небитни караоке забави, туку тие си делат пари и на блиски роднини на функционери на СДСМ.

Ова е документ од програмата за култура, каде се гледа дека Општината Карпош ќе издвои 120 000 денари за реализација на проект фото работилница, чиј реализатор е фирмата АД Фотографи ДОО-Скопје-Карпош.

Оваа фирма е во сопственост на Андријана Костова, ќерка на советничката на СДСМ во Општина Карпош Билјана Костова. Ова е судир на интереси и преставува злоупотреба. Ние овие документи ќе ги доставиме до Државната Комисија за Спречување на Корупцијата.

Да се доделат пари на овој проект гласало мнозинството на СДСМ.

Шемата е позната. СДСМ се договара, мнозинството гласа, фирмата на ќерката на советничката од СДСМ добива пари.

Ова никаде го нема. Наместо цигли и малтер, игралишта, катни гаражи, Стевчо по фамилијарни партиски врски си дели народни пари.

Стевчо нека тужи колку сака, но ова се докази, документи и факти.

Јавноста не верува на клевети и закани.

И на крај, сеуште очекуваме одговор од Стевчо Јакимовски, дали го прифаќа предизвикот да се кандидира за градоначалник на Скопје од редовите на СДСМ?!