Macedonia News

ДПА против договорот со српската полиција

Среда, 22 Февруари 2012 22:04

Македонија

Уште невлезен во сила - договорот за соработка на македонската и српската полиција, ДПА ќе го оспорува неговиот легитимитет. Со закон ќе бара да се укине, затоа што не сакале ниту еден ден да функционира ваков, како што го нарекоа, екстремно штетен договор за Албанците.

- ДПА нема да дозволи геноцидната и криминална структура како полицијата на Србија да ја користи територијата на Македонија, населени места со Албанци како своја, предупреди координсторот на пратеничјата група Имер Алиу.

Партијата на Тачи обвинува дека ваквиот договор, аминуван од владејачките партии, задира во суверенитетот на државата. А, власта, тврди Алиу, наместо со евроатлантските интеграции инвестира во друга насока - денес Србија, утре Русија и Белорусија.

Право, на опозицијата е да предлага укинување, но претходно би било добро да иницираат промена на договорот за разграничување со Србија од 2001 година, кога ДПА беше на власт, возвратија од ДУИ. Отфрлајќи дека договорот е штетен за Македонија и нејзините граѓани.

- Микрофонот овозможува да се каже се и сешто. Но, фактичката состојба е сосема поинаква. Таа кажува дека односите се стриктно регулирани, одговори Талат Џафери од ДУИ.

Договорот меѓу Македонија и Србија ратификуван пред некој ден во Собранието го потпишаа министрите за внатрешни работи Јанкуловска и Дачиќ во окотомври 2010 година. И, со него се предвидува потесна соработка меѓу македонската и српската полиција во борбата против криминал.