MkdNews.com

Празникот на лозарите Св.Трифун, денот кога симболично се закројуваат лозјата со желби за добар род и годинава се одбележува и покрај временските услови,но и поради мерките за заштита од пандемија.
Сепак, тоа за нашите производители на вино не беше пречка, туку мотив повеќе за креативност. Па, така, најголемиот производител на вино кај нас, винарската визба „Тиквеш“ од Кавадарци, покрај другото, за Св. Трифун подготви и видео во кое вработените во оваа компанија се потрудија да дадат позитивна енергија и да поттикнат на ентузијазам и добро расположение.
„Предизвиците со кои изминатата година се соочивме сите, инспирираа милион нови начини за пренесување на пораки за надеж, ведар дух, ентузијазам, заедништво.
Tимот на Тиквеш ја испраќа својата благородна порака, раскажувајќи ја македонската винска приказна во ритамот на љубовта и сплотеноста како дел од предизвикот Јерусалема.
Затоа токму денеска, во духот на големиот празник Св. Трифун, додека се закројуваат лозјата со желби за плодна винска година, се надеваме дека ќе успееме да допреме до вас преку оваа видео приказна и дека ќе ја почувствувате нашата страст и енергија за виното и за животот.
На здравје за подобро утре и просперитет!
На здравје за новиот род и поубав свет!“, стои на Фејсбук страницата на Тиквеш“.
Уживате во видеото.